საგარეჯოში მომხდარი ტრაგედიის მსხვერპლის ოთარ ღვინიაშვილის მეუღლე, იხსენებს, რომ პოლიციელი სიკვდილამდე ორი დღით ადრე შვილებს ომის ამბებს უყვებოდა, თუ როგორ გამოიყვანა დაჭრილები ბრძოლის ველიდან.
“გმირი კაცი მყავდა, გმირი მამა იყო. თავის შვილსაც ჩვევა-დარიგებებს აძლევდა 2 დღის უკან ომის ამბებს უყვებოდა, თავისი ბიჭები როგორ გამოიყვანა დაჭრილები თავისი ხელით. მამა-შვილი ერთად ტიროდნენ, ორი შვილი, ერთი ბიჭი ერთი გოგო”, – საუბრობს ოთარ ღვინაშვილის მეუღლე მთავარ არხთან.
ცნობისთვის,
საგარეჯოში მომხდარმა სროლამ ოფიციალური ინფორმაციით, 5 ადამიანის სიცოცხლე იმსხვერპლა, მათ შორის შსს-ს თანამშრომლის, დაჭრილია 5 მოქალაქე.
უწყების ცნობით, საცხოვრებელი კორპუსის ერთ-ერთი ბინის აივნიდან რამდენიმე გასროლა 1974 წელს დაბადებულმა პირმა განახორციელა. აღნიშნულმა პირმა, მოგვიანებით, სპეცდანიშნულების რაზმის გამოჩენისთანავე, სავარაუდოდ, თვითლიკვიდაცია განახორციელა. დანაშაულის მოტივი ჯერჯერობით უცნობია.
