„ნაციონალური მოძრაობის" წევრის ლევან ბეჟაშვილის განცხადებით, სახელმწიფო დეპარტამენტის ანგარიში ზუსტად ასახავს იმ რეალობას, რომელიც დღეს ქვეყანაშია.
მისივე თქმით, სასამართლო ხელისუფლებას ძირეული რეფორმა სჭირდება.
„სასამართლოსადმი ნდობა არა მარტო ინვესტორებს, არამედ ქართულ საზოგადოებასაც არ აქვს. ის ნაბიჯები, მოწოდებები სწორედ სასამართლო ხელისუფლებაში კლანის სისტემის აღმოფხვრის კუთხით, „ქართული ოცნების" მხრიდან არ სრულდება. ამიტომ ვამბობთ ჩვენც, რომ სასამართლო ხელისუფლებას სჭირდება ძირეული რეფორმირება, საკადრო ცვლილებებით კი არ უნდა შემოვიფარგლოთ, არამედ ვისაუბროთ სასამართლო ხელისუფლებაში ძირეული რეფორმების განხორციელებაზე", - განაცხადა ლევან ბეჟაშვილმა.
