მხარს დავუჭერთ ერთიან კანდიდატს, ჩვენ ვართ მომხრე, იყოს რაც შეიძლება დიდი ოპოზიციური ერთობა, - ამის შესახებ „ერთიანი საქართველოს" წევრმა, ანზორ ბიწაძემ საქართველოს პირველ არხს განუცხადა.
მისი თქმით, „ერთიანი საქართველო" ოპოზიციის უდიდეს ნაწილთან კოორდინაციაში იქნება საქართველოს ყველა რაიონსა და ქალაქში, ამასთან, აღნიშნა, რომ რაც შეიძლება მეტი კონსოლიდირება უნდა იყოს ოპოზიციაში.
„ჩვენი გადაწყვეტილება დიდი ხანია ცნობილია. ჩვენ ვართ მომხრე, იყოს რაც შეიძლება დიდი ოპოზიციური ერთობა. სხვანაირად ვერ მოხერხდება ოლიგარქის დამარცხება, ეს ჩვენ კარგად გვესმის. სამწუხაროდ, ოპოზიციაში არიან ცალკეული სუბიექტები, რომლებსაც უბრალოდ აღარ სურთ ვადამდელი არჩევნები. ეს მათი მხრიდან შეცდომაა, რადგან ქვეყანას სჭირდება ვადამდელი არჩევნები. ჩვენ მხარს დავუჭერთ ერთიან კანდიდატს, ვიქნებით კოორდინაციაში ოპოზიციის უდიდეს ნაწილთან საქართველოს ყველა რაიონში, ყველა ქალაქში. ჩვენი აზრით, რაც შეიძლება მეტი კონსოლიდირება უნდა იყოს ოპოზიციაში და ჩვენ ამას ხელს შევუწყობთ. გვაქვს კონსულტაციები კოლეგებთან სხვადასხვა რაიონსა და ქალაქში მაჟორიტარულ ოლქებთან დაკავშირებით, ასევე საერთო კანდიდატებთან დაკავშირებით", - განაცხადა ანზორ ბიწაძემ.
შეგახსენებთ, თბილისის მერობის კანდიდატად ოპოზიციის ნაწილმა ნიკა მელია დაასახელა, საკრებულოს თავმჯდომარის პოსტზე - ელენე ხოშტარია, ვიცე-მერობის თანამდებობაზე კი ზურაბ ჯაფარიძე.
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
საქართველო-ირანის ურთიერთობები და საგარეო-პოლიტიკური ტენდენციები: ფაქტები, მოვლენები და ღია წყაროები
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
