„ლიტერა" იყო და არის „მწერალთა სახლის" პასუხისმგებლობა"- ასე ეხმაურება კულტრის სამინისტრო ლიტერატურული კონკურის ,,ლიტერას" ჩაშლას.
როგორც CNews-ს კულტურის სამინისტროდან აცნობეს, ,,მწერალთა სახლის" გადაწყვეტილება დასანანია.
,,საქართველოს კულტურის, სპორტისა და ახალგაზრდობის სამინისტრო მხოლოდ ურიცხავს კონკურსის ჩასატარებელ თანხას „მწერალთა სახლს" და ხუთკაციან კომისიაში კომისიის ერთ წევრს ასახელებს. თუკი „მწერალთა სახლმა" ასეთი გადაწყვეტილება მიიღო, ჩვენთვის ეს მხოლოდ დასანანია და ვწუხვართ", - აცხადებენ სამინისტროში.
ცნობისთვის, ,,მწერალთა სახლის" გადაწყვეტილებით, მას შემდეგ რაც კონკურს ,,ლიტერას" კონკურსში მონაწილე მწერლების დიდმა ნაწილმა ბოიკოტი გამოუცხადა და ჟიურის ოთხმა წევრმა ღონისძიებაში მონაწილეობაზე უარი განცხადა, კონკურსი ჩაიშალა.
