"უდინეზე" საქართველოს ნაკრების ფორვარდით, გიორგი მიქაუტაძით დაინტერესდა. ამის შესახებ ინფორმაცია Mondoudinese-მ გაავრცელა.
წყაროს ცნობით, იტალიური კლუბი შემტევის პოზიციაზე 3 ფეხბურთელის შეძენის ვარიანტს განიხილავს, თუმცა გიორგი სიაში ნომერ პირველ კანდიდატად მიიჩნევა.
მის გარდა, "უდინეზე" "სპეციას" ფორვარდით, მბალა ნზოლათი და "ტიგრესის" თავდამსხმელით, მატეო რეტეგით ინტერესდება.
შეგახსენებთ, ანდრეა სოტილის გაწვრთნილი გუნდი ამჟამად სერია A-ს სატურნირო ცხრილში 30 ქულით მე-10 ადგილს იკავებს.
რაც შეეხება გიორგი მიქაუტაძეს, 22 წლის ფეხბურთელმა მიმდინარე სეზონში "მეცის" მაისურით ლიგა-2 ში ჯამში 21 შეხვედრა ჩაატარა, თავი კი 11 გატანილი გოლით
გამოიჩინა.
sportall.ge
