საქართველოს იუსტიციის მინისტრს გუშინ მიხეილ სააკაშვილის ჯანმრთელობის გაუარესებულ მდგომარეობასთან დაკავშირებით გადავეცით დემარში, რომელიც შეთანხმებული იყო ევროკავშირის 27 წევრი ქვეყნის მიერ, – ამის შესახებ საქართველოში შვედეთის სამეფოს საგანგებო და სრულუფლებიანი ელჩმა, ულრიკ თიდესტრომმა განაცხადა.
მისივე თქმით, ევროკავშირის ელჩმა, პაველ ჰერჩინსკიმ იუსტიციის მინისტრთან, რატი ბრეგაძესთან შეხვედრის შემდეგ, 27 წევრი ქვეყნის სახელით, კომენტარი უკვე გააკეთა და თავად ვერაფერს დაამატებს.
„ჩვენ გუშინ საქართველოს იუსტიციის მინისტრს გადავეცით ევროკავშირის ერთობლივი დემარში. ეს დემარში შეთანხმებული იყო 27 წევრი ქვეყნის მიერ. ჩვენ ეს გავაკეთეთ ყოფილი პრეზიდენტის ჯანმრთელობის გაუარესებულ მდგომარეობასთან დაკავშირებულ მოხსენებაზე შეშფოთების გამო. გუშინდელი დემარშის შემდეგ ევროკავშირის ელჩმა, 27 წევრი ქვეყნის სახელით, კომენტარი გააკეთა და მე მეტს ვერაფრს დავამატებ“, – განაცხადა შვედეთის ელჩმა.
