„ინფიცირებულთა 98%-ზე მეტი ვაქცინირებული არ იყო," - განაცხადა დღეს, 19 აგვისტოს, ჯანდაცვის მინისტრის მოადგილე თაამრ გაბუნიამ.
„ჩვენ გავაკეთეთ ინფიცირებულების ანალიზი მარტიდან აგვისტოს 17 რიცხვამდე აცრილი პირების რაოდენობის მიხედვით. ინფიცირებულთა 98%-ზე მეტი ვაქცინირებული არ იყო. საავადმყოფოში მოხვედრილების უდიდესი ნაწილი ვაქცინირებული არ ყოფილა"- თქვა გაბუნიამ
მისი თქმით, რეანიმაციაში აქამდე მკურნალობა გაიარა დაახლოებით 3500 პირმა.
„მათ შორის ერთხელ ვაქცინირებული იყო დაახლოებით 1%-მდე და ორჯერ ვაქცინირებული იყო 0,3%, ანუ ორჯერ ვაქცინირებულების ერთეული შემთხვევები მოხდა რეანიმაციაში ამ 3500 პირიდან. ეს ნიშნავს, რომ რეალურად ვაქცინა მუშაობს და იცავს მძიმე შემთხვევების განვითარებისგან",- ამბობს გაბუნია.
