კანონი ეფუძნება რუსეთის და არა საქართველოს ინტერესებს, – ამის შესახებ აშშ-ის სახელმწიფო მდივნის თანაშემწე ტოდ რობინსონმა „ხალხის ძალის“ მიერ ინიცირებულ კანონპროექტებთან დაკავშირებით ჟურნალისტებს განუცხადა.
როგორც ტოდ რობინსონმა აღნიშნა, საქართველოს ინტერესები გამოხატულია ევროინტეგრაციაში და ევროინტეგრაციულ მისწრაფებებში.
„კანონი ეფუძნება რუსეთის ინტერესებს და არ ეფუძნება საქართველოს ინტერესებს. საქართველოს ინტერესები გამოხატულია ევროინტეგრაციაში და ევროინტეგრაციულ მისწრაფებებში. კანონი ნამდვილად ხელს არ უწყობს ამ მისწრაფებებს. ეს არ არის კარგი კანონი. რაც უფრო მნიშვნელოვანია, საქართველოს მოქალაქეებიც მიიჩნევენ, რომ არ არის ეს კანონი კარგი. ჩვენ გვექნება თანამშრომლობა, პარტნიორებთან ვსაუბრობდით ამ თემაზე, როგორ შევუწყოთ ხელი საქართველოს პრიორიტეტს, რაც გახლავთ ევროატლანტიკურ სტრუქტურებში ინტეგრაცია.
საქართველოს ინტერესებს ეს კანონპროექტი არ ემსახურება. საქართველოს ინტერესები გამოხატულია ევროპატლანტიკურ სტრუქტურებში ინტეგრაციის სახით. ჩვენ ვმუშაობთ, ვთანამშრომლობთ საქართველოსთან, რათა ხელი შევუწყოთ საქართველოს მიერ გაცხადებულ ამბიციას“, – განაცხადა ტოდ რობინსონმა.
