ჩვენ მოვუწოდებთ საქართველოს მთავრობას, პატივი სცეს მშვიდობიანი შეკრებისა და მშვიდობიანი პროტესტის თავისუფლების უფლებას, - მის შესახებ სახელმწიფო დეპარტამენტის პრესსპიკერმა, ნედ პრაისმა განაცხადა.
„ჩვენ მოვუწოდებთ საქართველოს მთავრობას, პატივი სცეს მშვიდობიანი შეკრებისა და მშვიდობიანი პროტესტის თავისუფლების უფლებას. მოვუწოდებთ ყველა მხარეს თავშეკავებისკენ და თავიდან აირიდონ გამამწვავებელი და ძალადობრივი ქმედებები, ამავდროულად დაიცვან კანონის უზენაესობა და საქართველოს დემოკრატიული ღირებულებები. ჩვენ, როგორც უკვე ბოლო დღეებში არაერთხელ აღვნიშნეთ, ღრმად ვართ შეშფოთებული ცოტა ხნის წინ წარდგენილი უცხოელი აგენტების შესახებ კანონპროექტით, რომელიც დამტკიცების შემთხვევაში სტიგმატიზებას განახორციელებს და ჩაახშობს დამოუკიდებელ ხმებსა და მოქალაქეებს, რომლებსაც სურთ უკეთესი მომავლის შენება თავიანთ საზოგადოებაში.
პარლამენტის იღებს კრემლით შთაგონებულ კანონპროექტს, რომელიც შეუთავსებელია საქართველოს მოსახლეობის ევროპაში ინტეგრაციისა და დემოკრატიული განვითარების მკაფიო სურვილთან. ამ კანონპროექტის გაგრძელება, ჩვენი აზრით, დააზიანებს საქართველოს ურთიერთობას მის სტრატეგიულ პარტნიორებთან და საფრთხეს შეუქმნის საქართველოს ევროატლანტიკურ მომავალს, რაც ქართველი ხალხის მისწრაფებების საფუძველია. პროექტი, რომელსაც ქართველი ხალხი მისდევდა ათწლეულების განმავლობაში, საქართველოს დამოუკიდებლობის მოპოვებიდან. აშშ საქართველოს სტრატეგიული პარტნიორია. საქართველოს აქვს ევროპაში, ევროკავშირში სრული ინტეგრაციის მისწრაფება. ეს ყველაფერი თამაშობს როლს დებატების კონტექსტში, რომელსაც ახლა ვხედავთ თბილისში“, – განაცხდა ნედ პრაისმა.
