პარლამენტის მიმდებარედ 7-8 მარტს გამართულ აქციებზე დაკავებული 133 პირიდან 132 თავისუფალია, 1 კი პატიმრობაში სისხლის სამართლის კოდექსით გათვალისწინებული მუხლით რჩება.
აღნიშნული პიროვნება საპროტესტო აქციის დროს პოლიციელებზე განხორციელებული თავდასხმის ბრალდებითაა დაკავებული.
იგი საქართველოს სისხლის სამართლის კოდექსის 353-ე პრიმა მუხლით დააკავეს, ხოლო დანაშაული 4-დან 7 წლამდე ვადით თავისუფლების აღკვეთას ითვალისწინებს.
„შინაგან საქმეთა სამინისტროს თბილისის პოლიციის დეპარტამენტის თანამშრომლებმა, ჩატარებული ოპერატიული ღონისძიებებისა და საგამოძიებო მოქმედებების შედეგად, მიმდინარე წლის 7 მარტს, პარლამენტის მიმდებარე ტერიტორიაზე გამართული საპროტესტო აქციის დროს პოლიციელებზე განხორციელებულ თავდასხმის ფაქტზე, საქართველოს სისხლის სამართლის კოდექსის 353-ე პრიმა მუხლით დააკავეს ერთი პირი - 2001 წელს დაბადებული თ.ა.“, - ნათქვამია შსს-ს მიერ გავრცელებულ ინფორმაციაში.
