სააკაშვილის საკითხზე ჩვენ აუცილებლად უნდა შევინარჩუნოთ ზეწოლა. როგორც ვიცი, არის შეთავაზება პოლონეთის ხელისუფლებისგან, რომ გაიგზავნოს ექიმების ჯგუფი საქართველოში, რაც ძალიან კარგია და იმედია, ეს იმუშავებს, – ამის შესახებ პოლონელმა ევროპარლამენტარმა რადოსლავ სიკორსკიმ განაცხადა.
აღნიშნული განცხადება მან სტრასბურგში, ევროპარლამენტში მრგვალი მაგიდის ფორმატში გააკეთა, რომელიც ევროპარლამენტის ლიბერალური პოლიტიკური ჯგუფის, Renew Europe-ის მიერ არის ორგანიზებული.
„დღეს რუსეთში უფრო მეტი პოლიტპატმარია, ვიდრე ბრეჟნევის პერიოდში იყო. ჩვენ ვიცოდით, საითკენ მიდიოდა საქმე, რუსეთის ხელისუფლებამ და პუტინმა თავდაყირა დააყენა სოციალური ღირებულები. როდესაც მან ანდროპოვი გადააქცია სამაგალითო ადამიანად და კაგებეს ყოფილ შტაბბინაში მიაგო პატივი, სწორედ მაშინ ჩვენ ყველას გვქონდა შეგრძნება, რომ ეს კარგად არ დამთავრდებოდა. რუსეთს ახასიათებს იგივე, რაც სხვა დიქტატორულ რეჟიმებს, რომ ყველაზე უარესი ნაწილი არის წინ წამოწეული და საუკეთესო ხალხი ციხეშია. სწორედ ამიტომ ვუჭერ მხარს სპეციალური ტრიბუნალის იდეას, რათა ადამიანები გასამართლდნენ ადამიანთა უფლებების დარღვევებისთვის, ასევე, აგრესიის დანაშაულებებისთვის, რომელიც ჩადენილია უკრაინის წინააღმდეგ, რაც არის სახელმწიფოს მიერ ჩადენილი დანაშაული. შოკირებული ვარ, რომ ევროკავშირი ასეთი პასიურია. ძალიან გთხოვთ, გვითხარით, რისი გაკეთება შეგვიძლია. რეზოლუცია მივიღოთ? წერილით მივმართოთ ევროკომისიას? ევროკომისიის პრეზიდენტი დღეს ხვდება ჩემს პოლიტიკურ ჯგუფს და თუ რამე შემიძლია პირადად ვუთხრა და გადავცე, რათა ვუბიძგო ქმედებებისკენ, ძალიან გთხოვთ, მითხარით. ჩვენ აუცილებლად უნდა შევინარჩუნოთ ზეწოლა. როგორც ვიცი, არის შეთავაზება პოლონეთის ხელისუფლებისგან, რომ გაიგზავნოს ექიმების ჯგუფი საქართველოში. ეს ძალიან კარგია და იმედია, ეს იმუშავებს.
