უკრაინისთვის სამხედრო თვითმფრინავების მიწოდება მაგალითია, როგორ ზრდის ნატო-ს ზოგიერთი ქვეყანა კონფლიქტში ჩართულობის დონეს, – ამის შესახებ რუსეთის პრეზიდენტის პრესსპკერმა, დიმიტრი პესკოვმა განაცხადა.
კრემლის ოფიციალური წარმომადგენლის თქმით, უკრაინისთვის გადაცემული ტექნიკა განადგურდება.
„ეს არის კიდევ ერთი მაგალითი, თუ როგორ ზრდის ნატო-ს ზოგიერთი ქვეყანა კონფლიქტში ჩართულობის დონეს. ამ აღჭურვილობის მიწოდება სპეცოპერაციის შედეგზე ვერ იმოქმედებს, მაგრამ უკრაინასა და მის მოსახლეობას დამატებით უსიამოვნებებს მოუტანს. სპეციალური სამხედრო ოპერაციის დროს მთელი ეს ტექნიკა განადგურდება“, – განაცხადა დიმიტრი პესკოვმა.
უკრაინისთვის „მიგ 29“-ის ტიპის ავიაგამანადგურებლების მიწოდებაზე პოლონეთმა და სლოვაკეთმა თანხმობა განაცხადეს.
