აშშ უკრაინას 350 მილიონი დოლარის ღირებულების სამხედრო დახმარების პაკეტს გამოუყოფს. ამის შესახებ ნათქვამია სახელმწიფო მდივნის, ენტონი ბლინკენის განცხადებაში, რომელსაც სახელმწიფო დეპარტამენტი ავრცელებს.
სამხედრო დახმარების ახალი პაკეტი მოიცავს HIMARS-ის რაკეტებს და ჭურვებს აშშ-ის მიერ უკრაინისთვის გადაცემული ჰაუბიცებისთვის, ასევე საბრძოლო მასალებს Bradley-ის ტიპის ქვეითთა საბრძოლო მანქანებისთვის, HARM-ის რაკეტებს, ტანკსაწინააღმდეგო შეიარაღებას, მდინარის კატარღებს და სხვა აღჭურვილობას.
„რუსეთს შეუძლია, დამოუკიდებლად დაასრულოს ეს ომი. ვიდრე ეს არ მოხდება, ჩვენ ვიდგებით უკრაინის გვერდით, რამდენ ხანსაც საჭირო იქნება“, – ნათქვამია ბლინკენის განცხადებაში.
სახელმწიფო დეპარტამენტის ცნობით, ეს უკრაინისთვის აშშ-ის მიერ გამოყოფილი სამხედრო დახმარების 34-ე პაკეტია.
