აშშ-ის ეროვნული უშიშროების საბჭოს კოორდინატორი სტრატეგიული კომუნიკაციების საკითხებში, ჯონ კირბი აცხადებს, რომ შეერთებული შტატები კიევისთვის დახმარების კიდევ ერთი პაკეტის გამოცხადებას გეგმავს.
ამასთან, მედიის ინფორმაციით, ჯონ კირბიმ ჟურნალისტებს განუცხადა, რომ შეერთებულმა შტატებმა თითქმის 100%-ით უზრუნველყო, რაც უკრაინელებმა კონტრშეტევის დასაწყებად სამხედრო დახმარების სახით მოითხოვეს.
უკრაინის არმიის მხრიდან დიდი კონტრშეტევის შესახებ ბევრი ვარაუდი არსებობს, მაგრამ მისი დაწყების ზუსტი დრო, მიმართულება და დეტალები მხოლოდ მცირე წრისთვისაა ცნობილი. უკრაინის თავდაცვის მინისტრმა, ოლექსი რეზნიკოვმა გუშინ განაცხადა, რომ კონტრშეტევითი ოპერაციისთვის მზადება ფინიშის ხაზზეა.
