„ჩვენ გვაკარგვინებენ მშვიდობას ერთადერთი რამის გამო, რომ ბიძინა ივანიშვილმა თავი იგრძნოს კომფორტში", - განაცხადა დღეს, 22 სექტემებრს, თბილისი საკრებულოს თავმჯდომარეობის კანდიდატმა, ელენე ხოშტარიამ დმანისში გუშინ, 21 სექტემბერს მომხდარ სისხლიან ინციდენტზე საუბრისას.
მისივე თქმით, „ქართული ოცნების" ურთიერთობის ფორმა მოქალაქეებთან არის ძალადობა და დაპირისპირება.
„ეს არის თავიდან ბოლომდე „ქართული ოცნების" პასუხისმგებლობა, რომლის ერთადერთი სათქმელი და ურთიერთობის ფორმა საკუთარ მოქალაქეებთან არის ძალადობა, ბოროტება, სისხლი და დაპირისპირება. ჩვენ გვაკარგვინებენ მშვიდობას ერთადერთი რამის გამო, რომ ბიძინა ივანიშვილმა თავი იგრძნოს კომფორტში და მისმა დაჯგუფებამ, ქართულმა ოცნებამ შეინარჩუნოს სკამები.",-განაცხადა ხოშტარიამ
