საფრანგეთის პრეზიდენტმა, ემანუელ მაკრონმა ხელი მოაწერა დეკლარაციას, რომლითაც მხარს უჭერს უკრაინის სვლას ნატო-ში გაწევრიანებისკენ, – ამის შესახებ „ევროპეისკაია პრავდა“ წერს.
დეკლარაციის თანახმად, საფრანგეთი აგრძელებს უკრაინის პირდაპირ მხარდაჭერაზე ფოკუსირებას.
„ერთობლივმა დეკლარაციამ შესაძლებელი გახადა უკრაინის მხარდაჭერის გაძლიერება ევროატლანტიკური მიმართულებით კიდევ ერთი ძლიერი ხმით“, – განაცხადა უკრაინის პრეზიდენტის ადმინისტრაციის უფროსის მოადგილემ, იგორ ჟოვქვამ.
შეგახსენებთ, მანამდე უკრაინის პრეზიდენტი, ვოლოდიმირ ზელენსკი იმყოფებოდა იტალიასა და გერმანიაში, სადაც ქვეყნების ლიდერებთან მსგავს დეკლარაციაზე მოაწერა ხელი. საფრანგეთის შემდეგ, დღეს ზელენსკი ლონდონში გეგმავს ვიზიტს.
1tv.ge
