ნამახვანჰესი აღარ აშენდება - ინვესტორი კომპანია "ENKA RENEWABLES" საქართველოსთან არსებულ ხელშეკრულებას წყვეტს.
ინფორმაცია ENKAS- მშობელმა კომპანია, "ENKA INSAAT-ს მიერ სტამბოლის საფონდო ბირჟაზე გამოქვეყნებული განცხადებიდან გახდა ცნობილი.
"ENKA Renewables-ი, რომელშიც ENKA İNŞAAT-ი 90%-იან წილს ფლობს, საქართველოს სახელმწიფოს აცნობს, რომ მოხდეს ნამახვანის ჰიდროელექტროსადგურის კასკადის მშენებლობა-ფლობა-ოპერირების თაობაზე, 2019 წლის 25 აპრილს გაფორმებული ხელშეკრულების შეწყვეტა/გაუქმება, რის მიზეზსაც კონტრაქტით გათვალისწინებული პირობების დარღვევა და ფორს-მაჟორი წარმოადგენს" - აღნიშნულია გავრცელებულ განცხადებაში.
ჰიდროელექტროსადგურის ღირებულება ჯამში 800 მილიონი დოლარი იყო.
შეგახსენებთ: "ნამახვანჰესის" აშენება-არაშენების საკითხზე საქართველოში დიდი ხანია, დებატები მიმდინარეობს, საკითხმა პოლიტიკური დატვირთვაც შეიძინა, გაჩნდა მოძრაობა „რიონის ხეობის მცველები".
