ირაკლი კობახიძის ჰომოფობიური განცხადებები დღეს ახალგაზრდებმა პარლამენტთან გააპროტესტეს. "ჯიუტებმა" საკანონმდებლო ორგანოსთან აქცია პერფორმანსი გამართეს, საპროტესტო ბანერების გამოფენა მოაწყვეს და რუსული რუბლები დაყარეს.
შეკრებილებმა თქვეს, რომ ხელისუფლების მუქარის არ ეშინიათ და ქვეყნის ევროპული კურსისთვის ბოლომდე იბრძოლებენ.
შეგახსენებთ, რომ "ქართული ოცნების" თავმჯომარეს გუშინ უნივერსიტეტის კიბეზე სტუდენტებმა აქცია მოუწყვეს და რუსული რუბლები შეაყარეს. გაბრაზებულმა კობახიძემ დღეს შვილების თაობას "ორიენტაციაარეულები" უწოდა და თქვა, რომ "გადასარჩენები არიან".
