ზაპოროჟიეს რეგიონში მიმდინარე საომარი მოქმედებების დროს, უკრაინელმა სამხედროებმა რუსეთის არმიის გენერალი მოკლეს.
ოკუპირებული მელიტოპოლის მერის, ივან ფედოროვის განცხადებით, მოკლულია გენერალ-მაიორი, სერგეი გორიაჩევი, რუსეთის არმიის დანაყოფებმა კი, მძიმე დანაკარგები განიცადეს.
პარალელურად, ვრცელდება ინფორმაცია, რომ უკრაინის შეიარაღებული ძალების მე-3 მოიერიშე ბრიგადა აგრძელებს ბახმუტის გარშემო ფლანგების გაწმენდას და უკრაინის მიწების გათავისუფლებას.
უკრაინული მედიის ინფორმაციით, ბოლო დღეების განმავლობაში უკრაინელმა ჯარისკაცებმა რუს სამხედროებს უკან დაახევინეს ფრონტის ხაზის გასწვრივ 1.8 კმ-ზე და ფრონტის სიღრმეში 1.2 კმ ტერიტორიებიდან.
გავრცელებული ინფორმაციით, უკრაინის არმიის მე-3 მოიერიშე ბრიგადის მე-2 მოიერიშე ბატალიონის შეტევითი მოქმედებების შედეგად, რუსეთის ფედერაციის 57-ე ბრიგადის ქვედანაყოფებს მნიშვნელოვანი ზარალი აქვთ.
