რუსეთში ბოლო დღეების განმავლობაში განვითარებული მოვლენების დროს რაც ყველაზე მყარად გამოჩნდა, არის, რომ ხელისუფლება გულშემატკივრობდა სტატუს კვოს, – ამის შესახებ პოლიტიკური ჯგუფის „ევროოპტიმისტების“ წევრმა, ხატია დეკანოიძემ პარლამენტის პლენარულ სხდომაზე განაცხადა.
მისი თქმით, სტატუს კვოს გულშემატკივრობა ნიშნავს, რომ ვუგულშემატკივროთ იმ ძალიან მძიმე მოცემულობას, რომელიც მათ შორის არის უკრაინაში.
„პუტინი დასუსტდა, ძალიან სერიოზული პრობლემები აქვს და მე დარწმუნებული ვარ, სამოქალაქო დაპირისპირება რუსეთში აუცილებლად მოხდება. მე ვგულშემატკივრობ ყველაფერ იმას, რაც ასუსტებს რუსეთს, რაც დაასუსტებს რუსეთს და ეს ძალიან მალე მოხდება. თქვენ კი, იმაზე უნდა იფიქროთ, რომ სტატუს კვოს გულშემატკივრობა გამოჩნდა იმ სიჩუმეში, რაც დღენახევრის განმავლობაში ხდებოდა“, – განაცხადა ხატია დეკანოიძემ.
