„ახლაც აქ ვართ, ურთულესი ვითარებაა, საშინელება ხდება, როგორც გვეუბნებიან 20-მდე ადამიანია ნანგრევებში მოყოლილი," - აცხადებს ბათუმის მერობის ენმ-ს კანდიდატი გიორგი კირთაძე.
შეგახსენებთ: დღეს, 8 ოქტომბერს, ბათუმში, 26 მაისის ქუჩაძე კორპუსი ჩამოინგრა. ადგილზე სამაშველო სამსახურის, საპატრულო პოლიციისა და სასწრაფო სამედიცინო დახმარების ეკიპაჟებია მობილიზებული. გვერდით მდებარე შენობებიდან მოქალაქეების ევაკუაცია მიმდინარეობს. მაშველებმა ამოიყვანეს ნანგრევებში მოყოლილი 2 წლამდე ბავშვი, რომელიც კლინიკაშია გადაყვანილი.
„ახლაც აქ ვართ, ურთულესი ვითარებაა, საშინელება ხდება, როგორც გვეუბნებიან 20-მდე ადამიანია ნანგრევებში მოყოლილი, მათ შორის ბავშვები, სამაშველო სამსახური მუშაობს. ახლა მნიშვნელოვანია სამაშველო სამსახურის ეფექტური მუშაობა, რათა მოხდეს ნანგრევებში ჩარჩენილების გადარჩენა, ესაა ახლა ყველაზე მნიშვნელოვანი და მთავარი. ნაწილი მათგანი კონტაქტზეა, მაშველებმა იციან, სადაც არის", - ამბობს კირთაძე.
