აქცია-პერფომანსი განათლების სამინისტროსთან -ადგილზე "გამარჯვების პლატფორმის" ფარგლებში "ერთიანი ნაციონალური მოძრაობისა" და "სტრატეგია აღმაშენებლის" წარმომადგენლები სკოლის ყოფილ დირექტორებთან და მოსწავლეების მშობლებთან ერთად მივიდნენ. მათ ადგილზე საპროტესტო პლაკატები წარწერით "დაუბრუნეთ სკოლა ბავშვებს" და აგურები მიიტანეს, უამრავი აუშენებელი სკოლების სიმბოლოდ.
ისინი სკოლებში არსებულ უმძიმეს რეალობაზე საუბრობენ და რეაგირებას ითხოვენ. აქციის მონაწილეები განათლების სამინისტროში სუს-ის ინტერესების გატარებაშიც ადანაშაულებენ და ამბობენ, რომ დირექტორების სკოლებში სპეცსამსახურების გადაწყვეტილებით ინიშნება.
"ოცნების" პირობებში განათლება კრიზისშია. ეს კრიზისი ეხება, როგორც სასკოლო ინფრასტრუქტურას, ისე სწავლის ხარისხს, რაც მთავარია სკოლის დემოკრატიულად მართვის პრინციპების ჩამოშლას. დღეს ეს აგურები მოვუტანეთ განათლების მინისტრს ორი მთავარი საკითხის შესახსენებლად, პირველი: დღეს ბავშვები სკოლის შენობების გარეშე გვყავს და მეორე - სკოლები დირექტორების გარეშე. „ქართულმა ოცნებამ“ საყრდენი გამოაცალა განათლების სისტემას, დირექტორები მათთვის მხოლოდ საარჩევნო რესურსია“,- აღნიშნა "სტრატეგია აღმაშენებლის" წევრმა ნანა ტოხვაძემ.
