ხვალ, 2 ნოემბერს, ოპოზიცია ბათუმში აქცია გამართავს. გაერთიანებული ოპოზიციის მთავარი სლოგანი - „არა გაყალბებულ არჩევნებს, თავისუფლება მიშას" იქნება. ოპოზიცია მხარდამჭერებს ხვალ აჭარის მთავრობის სახლთან ელოდება.
„ვიკრიბებით, რომ დავიწყოთ ბრძოლა ბიძინა ივანიშვილისა და ''ქართული ოცნების'' დასამარცხებლად. სხვა გზა და სივრცე ხელისუფლებამ არ დატოვა, რომ ქართველ ხალხს ნება გამოეხატა ამ ქვეყანაში, ნორმალური არჩევნები ჩატარებულიყო. ამ არჩევნებში დამარცხდა ოლიგარქი, მაგრამ სხვა რეალობა მივიღეთ. ამ რეალობაზე შეგუებას არავინ არ აპირებს. ეს იქნება პროტესტის სხვადასხვა ფორმა''- განაცხადა ხარაზმა.
ცნობისთვის: აქცია ''თავისუფლების კვარტალში" 17:00 საათზე დაიწყება.
ოპოზიციურ პარტიებში აცხადებენ, რომ აქცია მთელი საქართველოს მასშტაბით უწყვეტ რეჟიმში გაგრძელდება, თუმცა ჯერჯერობით უცნობია პროტესტის რა ფორმას გამოიყენებს ოპოზიცია ბათუმის საკრებულოსა და უმაღლეს საბჭოში.
