„მამუკა ხაზარაძის გადაწყვეტილება იყო, რომ მან თავისი თავი, როგორც პოლიტიკოსმა, პარლამენტში ვერ დაინახა. პრინციპში, ეს სწორია, რადგან პარლამენტი სხვა განზომილება ეგონა", - განაცხადა დღეს, 1-ელ ნოემბერს, პარლამენტის საპროცედურო საკითხთა კომიტეტის თავმჯდომარის მოადგილე გურამ მაჭარაშვილმა გააკეთა.
შეგახსენებთ: გუშინ, 31 ოქტომბერს, პარლამენტის წინ ოპოზიციის მიერ გამართულ აქციაზე, „ლელოს" ლიდერმა, მამუკა ხაზარაძემ განაცხადა, რომ პარლამენტს ტოვებს.
„ვამბობდით, რომ პარტიები, რომლებიც „ნაციონალურ მოძრაობას" ვერ ჩამოსცილდებიან, დაზიანდებიანო. როგორც ჩანს, „ლელოს" ლიდერი ამას მიხვდა იქიდან გამომდინარე, რომ მამუკა ხაზარაძე არჩევნებამდე რამდენიმე დღით ადრე, პრაქტიკულად, „ნაციონალურ მოძრაობასთან" გაერთიანდა და მარცხის შემდეგ მიხვდა, რომ მისი პოლიტიკური დასასრული იყო. როგორც ჩანს, პარლამენტის დატოვება აქედან გამომდინარე გადაწყვიტა. მგონი, ხედავდით, რომ ის საკანონმდებლო საქმიანობაში დიდად ჩართული არ იყო, ეს არავის ახსოვს. გაუგებარია, პარლამენტი იმ მიზეზით დატოვო, რომ იქ საქმეს არ გააკეთებინებენ. მამუკა ხაზარაძის გადაწყვეტილება იყო, რომ მან თავისი თავი, როგორც პოლიტიკოსმა, პარლამენტში ვერ დაინახა. პრინციპში, ეს სწორია, რადგან პარლამენტი სხვა განზომილება ეგონა", - განაცხადა მაჭარაშვილმა.
მაჭარაშვილს მოლოდინი აქვს, რომ პარლამენტს სხვა ოპოზიციონერი დეპუტატებიც დატოვებენ.
„რაც შეეხება სხვა დეპუტატებს, არ ველოდები, რომ ისინი პარლამენტს მასობრივად დატოვებენ. პარლამენტში ადამიანი იმიტომ არ მოდის, რომ კომფორტი ნახოს და მისი სიტყვა ბოლომდე გავიდეს, იმიტომ მოდიან, რომ ხალხის ხმა გაახმოვანონ",- განაცხადა მაჭარაშვილმა.
