"ადამიანები, რომლებიც თავს დაესხნენ ეძგვერაძეს, სუს-ის ნასედკები არიან" - ასე ეხმაურება პარტია "ერთიანი ნაციონალური მოძრაობის" წევრი ირაკლი ნადირაძე ირაკლი ეძგვერაძეზე განხორციელებულ თავდასხმას.
ნადირაძის თქმით, თავდასხმაში ჩართული ყველა ადამიანი უნდა დაისაჯოს, წინააღმდეგ შემთხვევაში ხელისუფლება ფარცხალაძის დავალებების შესრულებას განაგრძობს.
"ეს არის, ცალსახად, შურისძიება. დღეს ირაკლი ეძგვერაძე გამოვიდა სიტყვით, მარტივი რამე თქვა, რომ მას არ უნდა მისი შვილები გაიზარდონ "ფე ეს ბეს" აგენტების ქვეყანაში და ამ ადამიანს დახვდნენ სახლთან. ეს თავდასხმა არ იყო კრიმინალების ორგანიზებული. ესენი იყვნენ ყველანი სუს-ის ნასედკები და მათ შეასრულეს სუს-ის დავალება. ყველა დამკვეთი და ორგანიზატორი უნდა დაისაჯოს და ყველა ის ადამიანი, რომლებმაც შეასრულა ეს დავალება, სუს-ის ნასედკებად გაქციეს. ამ ადამიანებს დიდი ხანია პირადი შურისძიება ამოძრავებთ, ესენი იყვნენ ადამიანები, რომლებმაც დაამარცხეს კახი კალაძე, "ქართული ოცნება" და ამის მერე ვერ მოუნელებიათ. დღეს, ასე მუხანათურად, ლაჩრულად აღასრულეს ეს დანაპირები. ყველა ადამიანი უნდა დაისაჯოს, წინააღმდეგ შემთხვევაში ეს ნიშნავს, რომ მთელი ხელისუფლება კვლავ ასრულებს კოლექტიური ფარცხალაძის დავალებას - აღნიშნა ირაკლი ნადირაძემ.
