საქართველოს პრეზიდენტი "ოცნების" მიერ აკრძალულ ვიზიტებს აგრძელებს - სალომე ზურაბიშვილი რიგაში ლატვიის პრეზიდენტს, ედგარს რინკევიჩს შეხვდა.
თქვენი მტკიცე მხარდაჭერა გადამწყვეტია საქართველოს ევრო ინტეგრაციის გზაზე - დაწერა სალომე ზურაბიშვილმა.
"გმადლობთ, საქართველოს გვერდით დგომისთვის წლების განმავლობაში. თქვენი მტკიცე მხარდაჭერა გადამწყვეტია საქართველოს ევროკავშირის ინტეგრაციის გზაზე", - დაწერა სალომე ზურაბიშვილმა ტვიტერზე.
საქართველოს პრეზიდენტი, სალომე ზურაბიშვილი რიგაში, ლატვიის რესპუბლიკის პრეზიდენტს, ედგარს რინკევიჩს შეხვდა. პოსტი მან სოციალურ ქსელში გაავრცელა. პრეზიდენტის ადმინისტრაციის ცნობით, ზურაბიშვილი აგრძელებს შეხვედრებს ევროპელ ლიდერებთან, საქართველოსთვის ევროკავშირის წევრობის კანდიდატი ქვეყნის სტატუსის მინიჭების მხარდასაჭერად.
