„მინდა გთხოვოთ ყველას, ვინც აქამდე არ ჩამოსულა, მოემზადეთ, გადადეთ ფული, დაიბევეთ შვებულება და ერთი დღე აჩუქეთ თქვენ ქვეყანას. ეს ერთი დღე მალე დადგება, თუ როდის, ამას პროცესები აჩვენებს", - ნათქვამია მიხეილ სააკაშვილის ემიგრანტების სახელზე დაწერილ მიმართვაში, რომელიც დღეს, 3 ნოემბერს, ციხიდან უფლებადამცველმა ვალერი გელბახიანმა გამოიტანა.
შეგახსენებთ: საქართველოს მესამე პრეზიდენტი 1-ელ ოქტომბერს დააკავეს და 34-ე დღეა, შიმშილობს.
„ეს არის მიმართვა ქართველ ემიგრანტებს, დიდი მადლობა ყველას ვინც ჩამოვიდა, იბრძვის რუსთაველზე და ჩემს ციხესთან. ვინც აქციებს აწყობს მთელ მსოფლიოში. ახლა მინდა გთხოვოთ ყველას, ვინც აქამდე არ ჩამოსულა, მოემზადეთ, გადადეთ ფული, დაიბევეთ შვებულება და ერთი დღე აჩუქეთ თქვენ ქვეყანას. ეს ერთი დღე მალე დადგება, თუ როდის, ამას პროცესები აჩვენებს და რამდენიმე დღით ადრე გეტყვით, მაგრამ იმ ერთ დღეს თბილისში ჩამოსვლა აუცილებელი იქნება, თუ ჩამოხვალთ მე გპირდებით, რომ აქედან გამარჯვებულები წახვალთ"," - ნათქვამია მიმართვაში.
