„არ გვისაუბრია ჩვენ ელენეს ჯანმრთელობის გარდა არაფერზე, ყველა ადამიანს აქვს შიმშილობის უფლება ეს მათი უფლებაა",- ამის შესახებ განცხადება პარლამენტის თავმჯდომარემ, მოშიმშილე ელენე ხოშტარიასთან შეხვედრის შემდეგ გააკეთა.
მისივე თქმით, მონახულების მიზანი იყო, რომ გაეგო ჰქონდა თუ არა მოშიმშილეს ყველანაირი პირობა.
„უბრალოდ მოვინახულე, მაინტერესებდა ჰქონდა თუ არა ყველანაირი პირობა. აქ მინდა ყველამ იცოდეს, რომ პარლამენტში მთელი დღის განმავლობაში ასევე ექიმი მუშაობს და თუ საჭირო იქნება, ყოველთვის იქნება გამოყენებული მისი მომსახურებაც. უბრალოდ მაინტერესებდა თუ რამე პირობები აკლდა. ყველაფრით არის კმაყოფილი და ხაზზე ვიქნები თუ საჭირო იქნება.
არ გვისაუბრია ჩვენ ელენეს ჯანმრთელობის გარდა არაფერზე, ყველა ადამიანს აქვს შიმშილობის უფლება ეს მათი უფლებაა, ჩემთვის მთავარი რატომაც მოვედი არის. რამე ხომ არ აკლია, ჯანმრთელობის მდგომარეობა როგორია და მაქსიმალურად ჰქონდეს ყველანაირი პირობა აქ. კარგია, რომ აქვს შესაბამისი პირობები", - განაცხადა კუჭავამ.
შეგახსენებთ, „დროას" ლიდერი ელენე ხოშტარია, პარლამენტის შენობაში მესამე დღეა შიმშილობს, შიმშილის მიზანი მესამე პრეზიდენტის შესაბამის სამედიცინო დაწესებულებაში გადაყვანის მოთხოვნაა.
