დიდი ბრიტანეთის საგარეო საქმეთა მინისტრი ჯეიმს კლევერლი ისრაელში ჩავიდა. ამის შესახებ ინფორმაციას BBC-ი ავრცელებს.
„საგარეო საქმეთა მინისტრი დღეს ისრაელში ჩავიდა, რათა „ჰამასის“ ტერორისტული თავდასხმების შემდეგ ისრაელის მოქალაქეების მიმართ გაერთიანებული სამეფოს ურყევი მხარდაჭერა დაადასტუროს“, - განაცხადა გაერთიანებული სამეფოს საგარეო საქმეთა სამინისტროს პრესსპიკერმა.
დიდი ბრიტანეთის საგარეო საქმეთა უწყების მიერ გავრცელებული ინფორმაციის მიხედვით, კლევერლი ვიზიტის ფარგლებში თავდასხმების შედეგად გადარჩენილ მოქალაქეებსა და ისრაელის მაღალჩინოსნებს შეხვდება.
