პირველეს ყოვლისა, მე აქ ვარ, რათა გამოვხატო ჩემი სოლიდარობა ისრაელელი ხალხის მიმართ, - ამის შესახებ გაერთიანებული სამეფოს პრემიერ-მინისტრმა, რიში სუნაკმა თელ-ავივის აეროპორტში ჟურნალისტებს განუცხადა.
მისი თქმით, „ჰამასმა“ 7 ოქტომბერს ისრაელის წინააღმდეგ შემზარავი ტერორისტული აქტი განახორციელა.
„თქვენ განიცადეთ ენით აუწერელი, შემზარავი ტერორისტული აქტი და მინდა იცოდეთ, რომ გაერთიანებული სამეფო და მე თქვენს გვერდით ვართ“, - აღნიშნა ბრიტანეთის პრემიერმა.
მისი თქმით, მოუთმენლად ელის შეხვედრებს ისრაელის პრემიერ-მინისტრთან და პრეზიდენტთან და დიდი იმედი აქვს, რომ ეს შეხვედრები პროდუქტიული იქნება.
შეგახსენებთ, გაერთიანებული სამეფოს პრემიერ-მინისტრი, რიში სუნაკი ისრაელში დღეს ჩავიდა. ის, ორდღიანი ვიზიტის ფარგლებში, რეგიონის სხვა ქვეყნებსაც ეწვევა.
