საქართველოს მესამე პრეზიდენტის შესახებ საქმის კურსშია საქართველოს კათალიკოს პატრიარქი ილია მეორე. მიხეილ სააკაშვილის დედა უწმინდეს შეხვდა და ესაუბრა, საფრთხეებზე, რომელიც მის შვილს გლდანის ციხეში ემუქრება.
შეხვედრას, პატრიარქთან ერთად, მეუფე შიო და პატრიარქის მდივან-რეფერენტი შორენა თეთრუაშვილი ესწრებოდნენ. შეხვედრის დეტალებზე ენმ-ის ერთ-ერთ წევრმა ეკა ხერხეულიძემ ისაუბრა.
ხერხეულიძის თქმით, გიული ალასანიამ მოახერხა სრულიად ინფორმირებული ყოფილიყო უწმინდესი, მიხეილ სააკაშვილთან დაკავშირებული რისკების შესახებ.
„მიხეილ სააკაშვილის თქმით, გუშინწინ შედგა შეხვედრა საპატრიარქოში ქალბატონ გიულისა და პატრიარქს შორის, ოღონდ ამ შეხვედრას პირისპირ არ ჩაუვლია, მას ესწრებოდა შიო და შორენა და მიხეილ სააკაშვილის თქმით, დედამისმა მოახერხა სრულად ჩაეყენებინა საქმის კურსში პატრიარქი მისი ჯანმრთელობის მდგომარეობის შესახებ და იმ რისკების შესახებ, რაც გლდანის ციხეში არსებობს მისი უსაფრთხოების თვალსაზრისით", - განაცხადა ხერხეულიძემ.
