„ეს არის წამება და არაადამიანური მოპყრობა, რომელიც არანაირ ჩარჩოებში არ ჯდება", - განაცხადა დღეს, 15 ნოემბერს, უკრაინის სახალხო დამცველმა ლუდმილა დენისოვამ, რომელიც საქართველოში ისევ ჩამოვიდა.
დენისოვას თქმით, იუსტიციის სამინისტროსგან ნებართვას ელოდება, რომ მიხეილ სააკაშვილს შეხვდეს.
„ჩვენი მიზანია, ექიმებისგან და ადვოკატებისგან გავიგოთ ზუსტი ინფორმაცია რამდენად მძიმეა მიხეილ სააკაშვილის ჯანმრთელობის მდგომარეობა. ვწუხვართ, რომ უკრაინის მოქალაქე იმყოფება ასეთ ვითარებაში. ეს არის წამება და არაადამიანური მოპყრობა, რომელიც არანაირ ჩარჩოებში არ ჯდება. ადამიანს სიცოცხლის უფლება გააჩნია, რომელიც იბღალება",- განაცხადა დენისოვამ.
