ხვიჩა კვარაცხელია ვერ დაესწრო საქართველოს ფეხბურთის ფედერაციის წლის შემაჯამებელი ღონისძიება GFF Awards 2023-ს, სადაც უკვე ზედიზედ მეოთხედ აღიარეს წლის საუკეთესო მოთამაშედ და დამსწრეებს ვიდეოჩანაწერით მიმართა.
„პირველ რიგში მინდა მადლობით დავიწყო. ზედიზედ ოთხჯერ გახდე წლის საუკეთესო ფეხბურთელი, ძალიან დიდი პატივია და ამისთვის ყველას მინდა დიდი მადლობა გადავუხადო. რაც შეეხება 2024 წელს, იმედი, მაქვს, რომ საქართველოს ნაკრებისთვის წარმატებული წელი იქნება და ყველა იმ ოცნებას ავიხდენთ, რაც ყველა ქართველს გააჩნია.
აქვე მინდა, რომ ყველას წინასწარ მოგილოცოთ დამდეგი შობა-ახალი წელი და ბედნიერება, წარმატებები და რაც ყველაზე მნიშვნელოვანია, ჯანმრთელობა გისურვოთ. დაესქარით მრავალს და ყველაფერს საუკეთესოს გისურვებთ – წარმატებები“, – ამბობს წლის საუკეთესო ქართველი ფეხბურთელი.
ხვიჩა კვარაცხელია 2023 წელს გახდა იტალიის ჩემპიონატის საუკეთესო მოთამაშე, საუკეთესო ახალგაზრდა ფეხბურთელი და საუკეთესო ასისტენტი, ხოლო უეფა-მ ჩემპიონთა ლიგის საუკეთესო ახალგაზრდა მოთამაშედ აღიარა. GFF Awards -ზე ხვიჩა კვარაცხელია საქართველოს საუკეთესო ფეხბურთელად ზედიზედ მეოთხედ (2020, 2021, 2022, 2023) დაასახელეს, რაც რეკორდია.
ხვიჩა კვარაცხელიას 29 დეკემბერს „ნაპოლის“ შემადგენლობაში წლის ბოლო მატჩს „მონცასთან“ „სტადიო ოლიმპიკზე“ გამართავს და დაჯილდოებას ამის გამო ვერ დაესწრო.
