საქართველოს 60-მდე მოქალაქე გერმანიიდან და შვედეთიდან გამოაძევეს. ისინი გერმანიასა და შვედეთში არალეგალურად ცხოვრობდნენ და საქართველოში სპეციალური რეისით დააბრუნეს.
როგორც საერთაშორისო ორგანიზაცია ფრონტექსის წარმომადგენელი, ირმა ცირამუა ამბობს, 2021 წლის მონაცემებით ქვეყანაში 1500-ზე მეტი ადამიანი იძულებით დააბრუნეს.
"უმოკლეს ვადაში კვლავ იგეგმება მსგავსი სპეციალური რეისები, დეპორტირებული მოქალაქეების სამშობლოში დასაბრუნებლად", - განაცხადა ცირამუამ.
დეპორტირებული მოქალაქეები საქართველოდან წასვლის მიზეზად ეკონომიკურ სიდუხჭირეს ასახელებენ.
