მიხეილ სააკაშვილის უფლებების დარღვევასთან დაკავშირებით უკრაინის პრეზიდენტისთვის, რადასთვისა და ომბუდსმენისთვის მიმართვას ხელს ლელა ჯეჯელავაც მოაწერს.
ლელა ჯეჯელავა თვლის, რომ სააკაშვილის უფლებები დღეს ირღვევა.
"პირველი და უმთავრესი, გავიარე ის პერიოდი, როდესაც ადამიანებს აბულინგებდნენ იმით, რომ შენ თუ ამ ხელისუფლების მიმართ რაიმე პრეტენზია გაქვს, ხარ მიშისტი და ნაციონალი. არ მიმაჩნია, რომ მიხეილ სააკაშვილი იყო საქართველოს ის პრეზიდენტი, რომელიც ციხეში უნდა იჯდეს. ყველაზე ძალიან დიდი კითხვის ნიშნები არის იქ, რომ საქმეები, რომლებიც პრეზიდენტის წინააღმდეგ არის აღძრულ იდა რიტორიკა ოცნების ხელისუფლების წარმომადგენლებისა, არის აბსოლუტურად აცდენილი, რაც ძალიან დიდ ეჭვებს იწვევს, როდესაც საუბარია, რომ პრეზიდენტს ედავებიან გირგვლიანის მკვლელების შეწყალებას და არა უშუალოდ გირგვლიანის მკლელობას და უშუალო გამოსვლებში ხელისუფლების წარმომადგენლები იყენებენ ისეთ რიტორიკას, სადაც ბრალს უყენებენ სააკაშვილს გირგვლიანის მკვლელობაში, მიმაჩნია, რომ ეს არასამართლიანია, არასწორია.
ჩემთვის რატომ არის ის პოლიტიკური პატიმარი, იმიტომ, რომ მას დააბრალეს ის, რისი კადრებაც არ შეიძლებოდა - ომის დაწყება რუსეთთან. როდესაც შენ ქვეყნის პრეზიდენტს უყენებ ასეთ ბრალდებას და არ ფიქრობ, რა შედეგები შეიძლება მოჰყვეს ამას, გრძელვადიან პერსპექტივაშიც, ნიშნავს იმას, რომ შენ მორალურად იმ ადამიანთან, რომელიც ციხეში გყავს, მართალი არ ხარ,“ - ამბობს ლელა ჯეჯელავა.
