„სამოქალაქო თანხმობა მნიშვნელოვანია და ეს იმას არ ნიშნავს, ყველას ერთმანეთი შეგვიყვარდეს," - განაცხადა დღეს, 15 დეკემბერს, ენმ-ს თავმჯდომარე ნიკა მელიამ საყოველთაო შერიგებაზე საუბრისას.
შეგახსენებთ: მიხეილ სააკაშვილის ინიციატივას საყოველთაო შერიგებაზე, პოლიტიკოსების ხმაურიანი შეფასებები მოჰყვა. ასევე, ენმ-მ მესამე პრეზიდენტის განთავისუფლების მოთხოვნით 21 დეკემბერს ფართომასშტაბიანი აქცია უკვე დააანონსა.
„სიტყვა „შერიგება" მეც მაინცდამაინც არ მომწონს, მე უფრო თანხმობას ვიტყოდი. სამოქალაქო თანხმობა მნიშვნელოვანია და ეს იმას არ ნიშნავს ყველას ერთმანეთი შეგვიყვარდეს... აქ საუბარია, რომ ძირეულ პრინციპებზე შევთანხმდეთ და ამას ყველაფერს ჰქვია კონსტიტუცია. როდესაც სახელმწიფო იმართება სამართლებრივად და სახელმწიფო ინსტიტუტები არსებობენ და ვთანხმდებით ჩვენ მოქმედების წესებზე, ბევრი პრობლემა უმალვე წესრიგდება" - განაცხადა ნიკა მელიამ.
