კახეთის რეგიონის ორ მუნიციპალიტეტში, ახმეტაში და თელავში თოვლმა პრობლემები შექმნა.
როგორც კახეთის მხარეში სახელმწიფო რწმუნებულმა გიორგი ალადაშვილმა აღნიშნა, რეგიონის მუნიციპალიტეტებში ყველა შესაბამისი სამსახური მობილიზებულია, რათა მოხდეს უამინდობით გამოწვეული პრობლემების დროულად აღმოფხვრა.
„რეგიონის ორ მუნიციპალიტეტში - ახმეტაში და თელავში გვაქვს ნალექი თოვლის სახით. დანარჩენ მუნიციპალიტეტებში ამ ეტაპზე, თოვლი არ მოსულა. რაც შეეხება, ვაზიანი - გომბორი- თელავის დამაკავშირებელ საავტომობილო გზას, გადაადგილება გზის აღნიშნულ მონაკვეთზე დაშვებულია მაღალი გამავლობის ავტოსატრანსპორტო საშუალებებისთვის",- აღნიშნა გიორგი ალადაშვილმა.
ინფორმაციას კახეთის მხარეში სახელმწიფო რწმუნებულის ადმინისტრაცია ავრცელებს.
