"პირადად ირაკლი კობახიძე იყო ოპოზიციის ნომერ პირველი სამიზნე და რომ არა მისი ინტელექტუალური და ემოციური მდგრადობა, მისი გონიერება და პოლიტიკური ალღო და რაც მთავარია, მისი პატრიოტიზმი, რთული იქნებოდა ჩვენს საპარლამენტო გუნდს ეს სირთულეები გადაელახა" - ამის შესახებ ქართული ოცნების დეპუტატმა, ნინო წილოსანმა, პარლამენტში მიმდინარე პლენარულ სხდომაზე განაცხადა.
მისი თქმით, "ყოფილა მომენტები, როდესაც ირაკლი კობახიძის ფაქტორი რომ არა, საპარლამენტო უმრავლესობის მდგრადობა ვერ იქნებოდა უზრუნველყოფილიყო"
"გულწრფელად მინდა გითხრათ, ამ გაანალიზებული და მოყოლილი 8 წლის პერიოდში არაერთი რთული მომენტი გავიარეთ, ბევრი სიბინძურე იყო, ცრუ ბრალდებები და ტალახი. პირადად ირაკლი კობახიძე იყო ოპოზიციის ნომერ პირველი სამიზნე და რომ არა მისი ინტელექტუალური და ემოციური მდგრადობა, მისი გონიერება და პოლიტიკური ალღო და რაც მთავარია, მისი პატრიოტიზმი, რთული იქნებოდა ჩვენს საპარლამენტო გუნდს ეს სირთულეები გადაელახა. დამეთანხმებიან კოლეგები, ყოფილა მომენტები, როდესაც ირაკლი კობახიძის ფაქტორი რომ არა, საპარლამენტო უმრავლესობის მდგრადობა ვერ იქნებოდა უზრუნველყოფილიყო, იმიტომ რომ ჩვენ ვენდობოდით და ვიცოდით, რომ ყველა ნაბიჯი იქნებოდა სწორი და სახელმწიფოებრივ ინტერესებში. მე მინდა მადლობა გადავუხადო ირაკლი კობახიძეს თავისი საპარლამენტო საქმიანობისთვის, თავისი ქვეყნის სიყვარულისთვის, გამძლეობისთვის, ადამიანობისა და მეგობრობისთვის, წარმატებები ახალ პოზიციაზე თქვენს გუნდთან ერთად.
