თურქეთის აღმოსავლეთ ნაწილში, მაღაროში მეწყერი ჩამოწვა, ცხრა მაღაროელი უგზო-უკვლოდ დაკარგულად ითვლება.
თურქეთის ენერგეტიკის სამინისტროს ცნობით, სამაშველო სამუშაოები ამ დრომდე მიმდინარეობს.
თურქეთის შინაგან საქმეთა მინისტრმა, ალი იერლიკაიამ განაცხადა, რომ სამძებრო-სამაშველო ოპერაციაში 400 მაშველი იღებს მონაწილეობას.
„სამაშველო სამუშაოების მჭიდრო კოორდინაციის მიზნით, ამაღამ ჩავალ რეგიონში“, – დაწერა თურქეთის ენერგეტიკის მინისტრმა, ალფარსლან ბაირაქტარმა სოციალურ ქსელში.
