ისინი აღიარებენ, რომ დონორების ფული იხარჯება პოლიტიკური საქმიანობისთვის, პირდაპირი აღიარებაა, ანუ, არალეგიტიმური ფულია. კაცს პირდაპირ უღიარებია, რომ პოლიტიკას პრობლემა შეექმნებაო, მეტი აღიარება რა გინდათ? – ამის შესახებ საპარლამენტო უმრავლესობის ლიდერმა, მამუკა მდინარაძემ ლევან ბერძენიშვილის განცხადების საპასუხოდ აღნიშნა.
მდინარაძეს ჰკითხეს ლევან ბერძენიშვილის განცხადებაზე, რომელმაც თქვა: „გამჭვირვალობაზე პროექტს თუ გაიტანენ, ჩათვალეთ, არჩევნები აღარ ჩატარდება, მათ რიგებში, ვინც თურმე 20%-ით ფინანსდება, აღმოჩნდება ნახევარი პოლიტიკური ისტებლიშმენტი“.
მდინარაძის თქმით, დასამალი თუ არაფერი აქვთ, დეკლარაცია უნდა შეავსონ და ყველაფერი დასრულდება.
„გამჭვირვალეობის პრობლემა არ არისო და საუბარია დეკლარაციის შევსებაზე. ამას რუსულს რატომ ეძახიან, იცით? იქ რაღაც ხდება ისეთი, რომ არ ვიცოდეთ და ეს მაგალითებიც არ გვქონდეს, თავს იკლავენ და მთელი ძალა აქვთ გადატანილი იქით, რომ საქართველომ ის კანონი არ მიიღოს, რასაც იღებს ევროკავშირი. ჩვენი კანონი ეხება რუსულსაც, ჩინურსაც და ნებისმიერ სხვა ქვეყანასაც. ხომ არ გამოგვიყვია, რომ რომელიმეს არ შეეხება? რუსულს რომ ეძახით, მათ შორის რუსულსაც შეეხება და საფრთხეების დაზღვევას. რუსული ფული ლაკა ხოშტარიასაც გაუჩერდება და ეს არ გინდათ. მათ, დეკლარაციის შევსების გარდა, სხვა ვალდებულება არ გააჩნიათ. მათ აღიარეს, რომ უცხოური ფული, რომელიც სხვა მიზნობრიობით შემოდის, მათ შორის, იხარჯება პოლიტიკაში და ზუსტად ამას ვამტკიცებდით“, – განაცხადა მდინარაძემ.
