ნატო-ს გენერალური მდივანი, იენს სტოლტენბერგი აშშ-ის წარმომადგენელთა პალატის მიერ უკრაინის დახმარების პაკეტის დამტკიცებას მიესალმება და აცხადებს, რომ უკრაინის მიერ რუსეთის საბრძოლო შესაძლებლობების განადგურება ევროპასა და აშშ-ს უფრო დაცულს ხდის.
„მივესალმები, აშშ-ის წარმომადგენელთა პალატის მიერ უკრაინის დახმარების ახალი პაკეტის დამტკიცებას. უკრაინა ნატო-ს მოკავშირეების მიერ მიწოდებულ იარაღს რუსეთის საბრძოლო შესაძლებლობების გასანადგურებლად იყენებს. ეს ჩვენთვის, ყველასთვის ევროპასა და ჩრდილოეთ ამერიკაში მეტ უსაფრთხოებას ნიშნავს“, - აცადებს იენს სტოლტენბერგი.
შეგახსენებთ, გუშინ, აშშ-ის წარმომადგენელთა პალატამ უკრაინისთვის 61 მილიარდი დოლარის დახმარების პაკეტის გადაცემას მხარი დაუჭირა.
