ორთაჭალაში, შინაგან საქმეთა სამინისტროს შენობასთან საპროტესტო აქცია „არა მილიციას" მიმდინარეობს.
აქცია პარტია „დროას" წევრებისა და „ლელოს" ახალგაზრდული ორგანიზაციის წარმომადგენლების ორგანიზებით იმართება.
აქციის მონაწილეები მეტროსადგურში მომხდარი ძალადობის ფაქტს აპროტესტებენ. მათი თქმით, მომხდარი ფაქტი არ არის ერთეული შემთხვევა და სისტემაში არსებულ პრობლემაზე მიუთითებს.
აქცია ხმაურის ფონზე მიმდინარეობს. პოლიციამ ტერიტორიიდან გაიყვანა ნატა ფერაძე, რომელიც, გაფრთხილების მიუხედავად, უწყების შენობის წინ სტიკერებს აკრავდა.
პოლიციასა და აქციის მონაწილეებს შორის რამდენჯერმე დაპირისპირება მოხდა.
ფოტო:საქართველოს პირველი არხი
