დიდი რეპრესიები ქართულ კულტურაში თუ ცვლილებები სიახლისთვის?! ჯერჯერობით უცნობია რა დგას ყბადაღებული მოხსნების უკან. ხელოვანების გარკვეულ ნაწილში და არ მხოლოდ ხელოვანებში, პროტესტია. კულტურის მინისტრის მიერ ყველა მოხსნილი პირი აცხადებს, რომ პოლიტიკური ნიშნით იქნა გათავისუფლებული. თავად კულტური მინისტრის, თქმით კი ცვლილებების დრო მოვიდა და მხოლოდ არაკეთილსინდისიერი და არაპროფესიონალი თანამშრომელები ტოვებენ სამსახურებს.
NATION-ი თემაზე სასუბროდ ჯერ რეჟისორ ქეთი დოლიძეს დაუკავშირდა, თუმცა მან ჩვენთან საუბარი არ ისურვა და განაცხადა, რომ „ის 5 წელია, მსგავს თემებზე განცხადებებს არ აკეთებს" და ამიტომაც არ აპირებს, რომ კულტურის მინისტრის გადაწყვეტილებები შეაფასოს.
მსახიობმა ასმათ ტყაბლაძემ კულტურის მინისტრის გადაწყვეტილებების შეფასებისას განაცხადა, რომ „ცვლილებები აუცილებელია სიახლისთვის, მაგრამ იმის ხარჯზე არა რომ ვიღაც დაჩაგრო, ვიღაც გააგდო და დედა უტირო"
როგორ შეფასებდით, კულტურის სამინისტროს, ე.წ. რეპრესიებს?
ზუსტად რას აკეთებს და როგორ აკეთებს და რისთვის აკეთებს არ ვიცი, მაგრამ სიახლე აუცილებელია.
რატომ?
იმიტომ, რომ იცით რა, თუ მსახიობებზე ვისაუბრებთ, კონკურსში უნდა მიიღოს მონაწილეობა, ასევე უნდა იყოს ხელმძღვანელებზეც და რეჟისორებზეც.
ჰო, მაგრამ ყველა ამ მოხსნა-გათავისუფლების უკან ანგარიშსწორებას ხედავს.
პირადი ანგარიშოსწორება არ უნდა იყოს. ნებისმიერი გადაწყვეტილება უნდა იყოს კანონიერი. საშინელ მდგომარეობაშია თეატრი და კინო, აუცილებელია კულტურაში სიახლე და ცვლილებები.
რატომ არის ცუდ მდგოამრეობაში კულტურა?
არ ვიცი ეს რის გამო ხდება - უფულობის გამო, ან ხელმძღვანელი არ ვარგა და ამიტომ. სულ სხვა თეატრები გქვონდა, სულ სხვა ხელმძღვანელები იყო, სულ სხვა დამოკიდებულება მაყურებელთან, აუცილებელია ცვლილება, მაგრამ ეს არ უნდა იყოს ჯიბრზე.
ჯიბრზე ანუ, გულისხმობთ, რომ ცვლილებები არ უნდა იყოს პოლიტიკური ნიშნით და ასეთ ქმედებას არ ეთანხმებით?
არა, რა თქმა უნდა, არ ვეთანხმები. სიახლის მომხრე ვარ, მაგრამ იმის ხარჯზე არა რომ ვიღაც დაჩაგრო, ვიღაც გააგდო და დედა უტირო. იცით რა, მსახობის გარეშე ვერ იარსებებს თეატრი, ხელმძღვანელი უნდა იყო პეტრე ან პავლე და მსახიობი როგოროც მინდა ისე უნდა ვაბურთაო, ეგრე არ არის. მთავარი მსახიობია თეატრში, ვერც რეჟისორი და ვერც ვერავინ ვერაფერს გააკეთებს, თუ კარგი მსახიობი არ ჰყავს. ამას, იმიტომ არ ვამბობ რომ მსახიობი ვარ, მართლა მსახიობია მთავარი.
უფრო კონკრეტულად თუ შეიძლება, რისთვის უნდა განხორციელდეს კულტურაში ცვლილებები?
ამიტომ, კულტურაში ცვლილებები უნდა იყო სიახლისთვის და არა იმისთვის - მე შენ ახლა დედას გიტირებ. ნიჭიერი ერი ვართ და უნდა მოგვეცეს ნიჭის რეალიზების საშუალება.
ესაუბრა, ზუკა ნემსაძე
