„არავითარი ზედმეტი სიფრთხილე - ეს არის სწორი დიპლომატია, სწორი პოლიტიკა, სწორი პოზიციონირება",-ამის შესახებ "ქართულ ოცნების" დეპუტატმა მიხეილ სარჯველაძემ უკრაინის მხარდამჭერ რეზოლუციასთან დაკავშირებით განაცხადა.
მისივე თქმით, განცხადება რელევანტურია იმ ვითარებისა, რომელიც ახლა არსებობს.
"კონკრეტულად, კონკრეტული სახელმწიფოს დასახელება-არ დასახელება არ შეიძლებოდა გამხდარიყო საჯილდაო ქვა ოპოზიციის მხრიდან. არავითარი ზედმეტი სიფრთხილე - ეს არის სწორი დიპლომატია, სწორი პოლიტიკა, სწორი პოზიციონირება. როდესაც ხარ ზედმიწევნიით ზუსტი, იმ ვითარების რელევანტური, რომელიც არსებობს. ასეთ ფონზე, განცხადებები თვალებში ნაცრის შეყრაა ადამიანებისთვის, როცა მათ ეუბნებიან, რომ ეს შეიძლება ისე განიმარტოს, როგორც უკრაინის აგრესიის საწინააღმდეგოდ გაკეთებულია ეს განცხადება,"-განაცხადა სარჯველაძემ
