„ნაბიჯ ნაბიჯ უნდა შევამციროთ ოცნების შანსები მოსყიდვით, დაშინებით და შანტაჟით აკონტროლოს ჩვენი ქალაქები და სოფლები!“,-ასე ეხმიანება ენმ-ის თავჯდომარე ნიკა მელია რუსთავის საკრებულოში თავმჯდომარედ პარტია „საქართველოსთვის" წევრის ნოდარ შეროზიას არჩევას.
„მივესალმები რუსთავის საკრებულოში ოპოზიციის მიერ მიღწეულ ურთიერთშეთახმებას
რუსთავში დღეს ქართული ოცნება დამარცხდა! - მიუხედავად იმისა, რომ ოპოზიციური ძალები ერთმანეთში ბევრ რამეზე ვერ ვთანხმდებით, მთავარი და საკვანძო საკითხი ყველგან რეჟიმის დასუსტება და მისთვის ბერკეტების გამოცლაა!
რუსთავში თავმჯდომარე ოპოზიციამ აირჩია. მანამდე იგივე მოხდა ჩხოროწყუსა და წალენჯიხაში. დარწმუნებული ვარ სენაკსა და ზუგდიდშიც დამარცხდება ოცნება და აუცილებლად ბათუმშიც.
ასე ნაბიჯ ნაბიჯ უნდა შევამციროთ ოცნების შანსები მოსყიდვით, დაშინებით და შანტაჟით აკონტროლოს ჩვენი ქალაქები და სოფლები!
ოპოზიცია ერთიანი უნდა იყოს ამ საქმეში!",- წერს ნიკა მელია.
შეგახსენებთ,
რუსთავის საკრებულოს თავმჯდომარედ პარტია „საქართველოსთვის" წევრი ნოდარ შეროზია აირჩიეს. საკრებულოს თავმჯდომარეობის კანდიდატად მხოლოდ მისი კანდიდატურა იყო წარმოდგენილი.
კენჭისყრის შედეგად, შეროზიამ 18 ხმა მიიღო. მას „ნაციონალური მოძრაობისა" და პარტია „საქართველოსთვის" სრულმა შემადგენლობამ დაუჭირა მხარი.
კენჭისყრაში მონაწილეობა არ მიუღია და საკუთარი კანდიდატურა არ დაუსახელებია „ქართულ ოცნებას".
რუსთავის საკრებულოში „ქართული ოცნების" 16, „ნაციონალური მოძრაობის" 16 და პარტია „საქართველოსთვის" სამი დეპუტატია.
