ევროპა გვჭირდება საქართველოსთვის, საქართველოს უსაფრთხოებისთვის და იმ სიკეთეებისთვის, რომელსაც ათასობით და ათიათასობით ევროს სახით საქართველოს მოქალაქე მიიღებს, - ამის შესახებ „სტრატეგია აღმაშენებლის“ გენერალურმა მდივანმა, პაატა მანჯგალაძემ განაცხადა.
მისივე თქმით, ამ ეტაპზე საქართველოს მთავარი ბრძოლა აქვს მოსაგები „რეჟიმთან, რომელიც ქვეყანას წინ ევროპისკენ გზას უხერგავს“.
გარდა ამისა, მანჯგალაძემ ეროვნული ნაკრების ფეხბურთელებს წარმატებისთვის მადლობა გადაუხადა.
„მადლობა ჩვენს ბიჭებს კიდევ ერთხელ. მათ გამოავლინეს წარმატებისთვის საჭირო ყველა თვისება, ირწმუნეს, იბრძოლეს და გაიმარჯვეს.
მათი გამარჯვება ეკუთვნის საქართველოს და რაც არ უნდა ეცადოს ხელისუფლება მის დასაკუთრებას, ეს არ გამოუვა და ეს ნათლად გამოჩნდა გუშინ.
ახლა საქართველოს მთავარი ბრძოლა მოსაგები აქვს რეჟიმთან, რომელიც ქვეყანას წინ ევროპისკენ გზას უხერგავს.
ევროპა გვჭირდება საქართველოსთვის, საქართველოს უსაფრთხოებისთვის და იმ სიკეთეებისთვის, რომელსაც ათასობით და ათიათასობით ევროს სახით საქართველოს მოქალაქე მიიღებს. ჩვენ შეგვიძლია! ჩვენ შევცვლით! ძალა ერთობაშია!”, - განაცხადა პაატა მანჯგალაძემ.
