საკანონმდებლო ორგანოში საპარლამენტო უმრავლესობისა და ოპოზიციის წარმომადგენლები ერთმანეთს ხვდებიან.
შეხვედრა პარლამენტის თავმჯდომარის, შალვა პაპუაშვილის სამუშაო კაბინეტში მიმდინარეობს.
მხარეებს შორის მსჯელობა სასამართლო რეფორმაზე გაიმართება.
შეხვედრას ოპოზიციიდან ესწრებიან - ლევან იოსელიანი, ხათუნა სამნიძე, ფრიდონ ინჯია, ანა ნაცვლიშვილი, ბადრი ჯაფარიძე, ალეკო ელისაშვილი, უმრავლესობიდან კი, მამუკა მდინარაძე, ანრი ოხანაშვილი და ალუდა ღუდუშაური.
