რუსული კანონი რამდენიმე საათში ოფიციალურად ამოქმედდება. ყველას, ვინც "აგენტად" საკუთარი ნებით არ დარეგისტირდება, ხელისუფლება იძულებითი რეგისტრაციით ემუქრება. იუსტიციის სამინისტროში უკვე შექმნილია სპეციალური დეპარტამენტიც. დილიდან ყველა იმ მედიას და სამომოქალაქო ორგანიზაციას, რომლებიც უცხოეთიდან ფინანსდებიან, რეესტრში რეგისტრაციის ვალდებულება აქვთ.
მიუხედავად იმისა, რომ რატი ბრეგაძემ პლატოფრმის ამოქმდების შესახებ განცხადება ჯერ კიდევ გუშინ გააკეთა, მესამე სექტორი აცხადებს, რომ რეესტრში დარეგისტრირებას და რუსული კანონის მორჩილებას არ აპირებს.
"ჩვენ არ ვაპირებთ ამ რეპრესიულ რუსულ კანონს დავემორჩილოთ, არ ვაპირებთ, რომ ჩვენი ნებით დავრეგისტრირდეთ და შესაბამისად, სექტემბრის დასაწყისში ამას გააკეთებს ალბათ იუსტციის სამინისტრო და დიდი ალბათობით ასევე გამოწერს ჯარიმის ქვითრებს, მაგრამ ჩვენ ეს არ გვანაღვლებს. ჩვენ რუსულ კანონს არ ვემორჩლებით, - ამბობს "საერთაოშიროს გამჭვირვალობა - საქართველოს" წევრი ალექსანდრე ბარამიძე.
"საფარის აღმასრულებელი" დირექტორი ბაია პატარაია ამბობს, რომ თუ კანონს არ შეაჩერებს საკონსტიტუციო სასამართლო, ამას ქართველი ხალხი 26 ოქტომბრის არცევნებზე გააკეთებს.
"ცხადია, არ ვაპირებთ რეგისტრაციას და არ ვაპირებთ, დავემორჩილოთ ამ რუსულ კანონს. არც ამ ჯარიმების გადახდას არ ვაპირებთ და მოუწევთ მერე ალბათ, სხვა ღონსიძიებებს მიმართონ. თუ ამ კანონს იგივე ხელისუფლება არ გააუქმებს და იგივე არც საკონსტიტუციო სასამართლო არ გააუქმებს, მაშინ ამ კანონს გააუქმებს ხალხი. და ხალხი ამ კანონს გააუქმებს 26 ოქტომბერს, როესაც არის არჩევნები და როდესაც მივა თავის მივა და თავის აზრს დააფიქსირებს, - ამბობს ბაია პატარაია.
"სამართლიანი არჩევნების" დირექტორის მოადგილე ლევან ნატროშვილი ბოლომდე ბრძლას აანონსებს და ამბობს, რომ საჭროების შემთხვევაში, მესამე სექტორი სტრასბურგის სასამართლოსაც მიმართავს.
"ჩვენ არ ვაპირებთ, დავრეგისტრირდეთ ამ რაღაც რეესტრში. იმედი გვაქვს, რომ ის საჩივარი, რაც შევიტანეთ საკონსტიტუციო სასამართლოში, იმსჯელებს სასამართლო და ჩვენ ვითხოვთ იქ შეჩერებას ამ კანონის და არსებობს გარკვეული მცირე, მაგრამ შანსი, რომ საკონსტიტუციო სასამართლო შეაჩერებს ამას თუ არადა, სტრასბურგის ადმაიანის უფლებათა ევროპულ სასამართლოშიც ვაპირებთ მოვითხოვოთ დროებითი ღონისძიება, როცა ეს დრო მოვა და გვაქვს იმედი, რომ შეაჩერებან ან ერთი სასამართლო ან მეორე, ან ორივე ამ კანონის მოქმედებას და არ მოგვიწევს არანაირი კნაონდარღვევა და სანქციების დაწესება, - ამბობს ლევან ნატოშვილი.
