პირადად მე ჯერ კიდევ საქართველოს პარლამენტის მოქმედი წევრი ვარ, მაგრამ ბოიკოტი გაუგებარ საკითხს კი არ გამოვუცხადე, ბოიკოტს ვუცხადებ იმ პარლამენტს, სადაც უმრავლესობაში ღიად რუსული აგენტურაა, რომლებიც რუსებს და რუსეთის სახელმწიფოს ინტერესებს ემსახურებიან, – ამის შესახებ „ძლიერი საქართველოს“ წევრმა, ალეკო ელისაშვილმა განაცხადა.
ელისაშვილის თქმით, „ქართულ ოცნებას“ გაკოტრებული წინასაარჩევნო კამპანია აქვს.
„ლგბტ პროპაგანდის საკითხს რაც შეეხება, ესაა ის თემა, რომლის აქტუალიზება და წამოწევა „ქართულ ოცნებას“ უნდოდა, ამაზე სურდა თავისი საარჩევნო კამპანიის დაფუძნება, მაგრამ ეს თემა წყალში ჩაუვარდათ, ისევე როგორც ეკლესიასთან დაკავშირებული თემა. ვხედავთ, როგორი გაკოტრებული საარჩევნო კამპანია აქვს „ქართულ ოცნებას“ და ეს ლგბტ პროპაგანდის ამბავიც ამ გაკოტრებული კამპანიის ჩავარდნილი ელემენტია. არ მაინტერესებს, ეს კანონი განწირული კანონია, ეს ძალისხმევა არის „ქართული ოცნების“ განწირული ძალისხმევა, ამიტომ არ მაინტერესებს, ვის რა რეაქცია ექნება“, – განაცხადა ელისაშვილმა.
