კრწანისის რაიონის გამგებელმა ტვ პირველს დაუდასტურა, რომ "ხაშურის ქალ მეწარმეთა გაერთიანების" სახელით არჩევნებს აკვირდებოდა. ბექა მიქაუტაძე ირწმუნება, რომ უბნებზე, სადაც დამკვირვებლად მუშაობდა, დარღვევა არ დაფიქსირებულა. მიქაუტაძე არ არის ერთადერთი, ვისაც საჩივრის დაწერა არ უფიქრია ჩამონათვალი გრძელია. საუბარია 9 ათასამდე გაურკვეველი ორგანიზაციის ე.წ დამკვირვებელზე.
გამოვლენილია ის ეგრეთ წოდებული არასამთავრობო ორგანიზაციები, რომლებიც ხელისულებასთან მჭიდრო კავშირში არიან და "ოცნების" თავდამსხმელთა რაზმებს მეთაურობენ. შაბათის ეთერმა გაარკვია, რომ სამთავრობო არასამთვრობოებს დამკვირვებლების აკრედიტაცია კონკრეტული დავალებით მისცეს - ისინი უბნებზე არა დარღვევების გამოსავლენად, არამედ სიტუაციის ასარევად იყვნენ მივლენილი. გეგმა ასეთი იყო: ეგრეთ წოდებული დამკვირვებელი უბანზე ხმაურს იმ დროს იწყებდა, როცა კარუსელში მონაწილე პირი შენობაში შედიოდა. ვიდრე კომისიის წევრები დაპისპირებული მხარეების გაშველებით იყვნენ დაკავებული, გამყალბებელი ორჯერ, სამჯერ ან ოთხჯერ აძლევდა ხმას ივანშვილის პარტიას.
tvpirveli.ge
